[ الى اعز صديق ]
قالوها بالامثال رب اخ" لم تلده امك
وقالوها في الصداقه زمان من قبل سنين
صديقك من صدقك وليس من صدقك
وانا لي صديق من يوم كنا بزارين
مانتفارق طول اليوم يا توصلني يا اوصلك
كنت اناديه عزوز وهو عبود ينادين
ولو بمدحك يا صديقي عزوز مقدر اوصفك
اغلى اخو وصديق دوم كل هالسنين
وكل من عرفك يابوسعود اكيد مايجهلك
الكرم والطيب والمرجله طبعك يالعوين
ولد قحطان ونعم والله فيك ونعم باصلك
مامدحت فيك مجامله وانت تبخصني زين
وقفاتك معي تشهد لك وتشهد لك عزتك
ولك جمايل علي ماتنجحد ليوم الدين
ترا طيب الاصل من يوقف لك في شدتك
وانت يابو سعود وقفاتك واضحه للعين
هذي ابياتي وانا اخوك وادعي الله يسعدك
في حياتك ويوفقك يا اغلى من الغالين
بقلمي ( ابو عبدالله )
ليست هناك تعليقات:
إرسال تعليق