[ خل عنك الكذب ]
يكفي مذله في حبك ترا نفذ صبري
دام كرامتي ماتعنيلك شي بدنياك
ذليت نفسي في حبك ونزل قدري
حسبتك تقدر هالشي وتقول ياغلاك
خل عنك الكذب ترا امشيها وادري
قسم بربي اعديها لك لاجل رضاك
وماهي مسألة اني ادري ولا مدري
المسأله طبعي اقدر واحترم لقياك
تربيتي تنهاني احرجك واقول ادري
ادري انك لعاب وتكذب لا شفناك
والمشكله مانفع فيك ودوم تجني
ماتفرق بين الصالح وبين الهكاك
والحين اقولها بوجهك كاذب ومبلي
وهذا الحق اقوله بوجهك وفي قفاك
وقبل تزعل ولا تشره على صدقي
حاسب نفسك قبل تحكم بماجاك
شوف ماجاك بدنيتك وانت تدري
من سبني سبك وجاك اللي جاك
كان عندي امل ترفع شاني وقدري
لكن للأسف ماثمر طبعي في دنياك
متواضع دوم لك وارحب فيك واهلي
ماعمري جفيتك وبيوم قلت لك مبغاك
عشمتني بالحب واقفيت بعيد عني
وعيشتني بقهر وتقول عقب بنساك
وبعد هذا كله جاي لك وجه تعاتبني
وربي ماتستحي يوم شفتك وجيناك
نصيحه لا تظلم من حبك وتكوي
خاف الله في حبه لا يجيك جزاك
وسلامتكم
( بقلمي ابو عبدالله )
ليست هناك تعليقات:
إرسال تعليق